أضحك من الاعماق يا حبيبي يا غالي

قال ليك ادروب بشاغل في بت قال ليها ياجمال توتيل ياجمال كسلا فجأة البت الطرحة وقعت منها وظهر عندها صلعة ادروب قال ياجمال فرفور00
* واحد احوص امو ماتت قاعد يبكي يقول الليلة ياحليلك ياخالتي 00

* واحدشين جدا راكب حمار شاف رباطابية حلوة قام قال ليها اول مرة اشوف لي رباطابية حلوة ردت سريع قالت ليهو اول مرة اشوف لي حمار دورين

* رباطابي دخل المستشفي بتاع الباب قال ليهو زيارة الرباطابي قال ليهو لا عمرة

* واحد مشي المستشفي يزور اقربائة لما وصل المستشفي لقي واحد عندو حمي شديدة لمن يرجف والتاني مركبين ليهو درب لما رجع البيت سألوه اها الجماعة لقيتم كيف قال ليهم والله لقيتم واحد شغال هزاز والتاني مركبنو في الشاحن0

* امام مسجد قطع الاشارة وهي حمراء ركن علي جنب وصلي سجود السهو0

* واحد اسمو بله شين شنا شديدة خلاص ولدو ليهو ولد شين زي ابوه قام زارهم واحد رباطابي في البيت شاف الولد الشين قال لابوه والله حقو تسمي ولدك دا زاد الطين بله0

* مسطول سألوه عن عاصمة هولندا ماعرف الاجابة قاموا عشان يقربوا ليهو الاجابة قالوا ليهو مشهورة بالحليب والابقار قام المسطول قال ليهم حلة كوكو0

* ادروب جا عشان يخطب ليهو بت قاموا اهل البت قالوا ليهو البت بتقرأ قام ادروب قال ليهم خلاص مافي مشكلة وقت الفسحة نجي0
نكات مساطيل:
* مسطول احوص حكموا علي بالاعدام سالوه عن امنيته الاخيرة المسطول قال ليهم امنيتي اشوف نفر واحد بس

* مسطول جا لقي جدو بياكل في جلي جدو يرجف والجلي يرجف المسطول قال لي جدو والله ياجدي انت والجلي جهجهتو المعلقة جهجه شديدة0